ඔන්න ඉතින් මටත් හිතුනා සිoහලෙන්ම Blog එකක් ලියන්න ඔනෙ කියලා.
ග්‍රීක භාෂාවෙන් බයොස් (Bios) කියන්නෙ ජීවය කියන්න, මෙට්‍රන් (
Metron) කියන්නෙ මැනීම කියන්නයි. මෙ දෙක එකතු වෙලයි ජීව විද්‍යාත්මක ගුණාංග මැණීම යන අර්ථයෙන්
බයොමෙට්‍රික්ස් (Biometrics) යන නම දැම්ම කියල කියන්නෙ...ඉංග්‍රීසි භාෂාවෙන් බිහැවියො මෙට්‍රික්ස් (Behavio metrics) කියන්නෙත් බිහැවියොරල් මෙට්‍රික්ස් (Behavioral metrics) කියන්නෙත් මේ ජීව මිතියටම තමයි.
ජීව මිතික තාක්ෂණයෙන් අද ලෝකයෙ පුද්ගලයා හදුනා ගැනීමට යොදා ගන්නා ආකාර කිහිපයක් තියනවා....
1. ඇගිලි සලකුනු පරිලෝකනය (Finger print Scanning) මගින්2. කළු ඉංගිරියාව හදුනගැනීම (Iris Recognition System) මගින්
3. මුහුණ පරිලෝකනය (Facial Scanning) මගින්
.......ඇගිලි සලකුනු මගින් පුද්ගලය හදුනා ගැනීම(Finger print Scanning)......
මෙම තාක්ෂණය අද ගොඩක් ප්‍රසිද්ධයි. (උදා:- අද සමහර ලප්ටොප් වල පවා මෙම තාක්ෂණයෙන් යුක්තයි.)මෙහිදී කෙනෙකුගේ ඇගිල්ලේ තිබෙන රේඛා තව කෙනෙකුගේ අගිල්ලෙන් වෙනස් වෙන නිසා මෘදුකාංගයක් මගින් මෙම වෙනස හදුනගැනීම සිදුකරනවා.ඇගිල්ලක තිබෙන රේඛා එක පැත්තක ඉදන් අනික් පැත්තට පරිලෝකනය(Scanning) කරලා ඒවා ගණිතමය ආකෘතියකට ගබඩා කර තබනවා පුද්ගලයෙකුගේ ඇගිල්ල පරිලෝකනයට යොමු කලවිට දත්ත ගබඩාවේ ඇති දත්ත සමග ඇති ගැලපීම මගින් පුද්ගලයා හදුනා ගැනීම සිදු කෙරේ.
උදාහරණ:-
බ්‍රිතාන්‍යයේ පොලිසිය අතේ ගෙනයන යන්ත්‍රයක් මගින් පරේ යන එන අයගේ ඇගිලි සලකුණු සටහන් කර දත්ත ගබඩාවක් සකස් කරමින් යනවලු...
(:-අපේ පොලිසියටත් වැඩෙ set කලා නම් හරි නේද?.........)
.......
කළු ඉංගිරියාව හදුනාගැනීම මගින් පුද්ගලයන් හදුනාගැනීම (Iris Recognition System)......අද ලෝකයේ තියෙන හොදම ජීව මිතික තාක්ෂණය කියන්නෙ කලු ඉංගිරියාව මගින් පුද්ගලයන් හදුනා ගැනීමයි. මෙහිදි පුද්ගලයෙකුගේ කලු ඉංගිරියාව පරිලෝකනය කිරීම සිදුකරන අතර එහි රටාව දත්ත ගබඩාවකට ඇතුලත් කරගනීම සිදු කරයි. පුද්ගලයෙකුගේ කලු ඉංගිරියවේ පවතින රටාව වයසට ගියත් වෙනස් නොවෙන බව සොයා ගෙන.
උදාහරණ:-
ඉරාකයේ සිටින් අමෙරිකානු සෙබලුන් මෙම තාක්ශණය යොදා ගෙන එරට වැසියන්ට හැදුනුම්පත් නිකුත් කිරීමේ ක්‍රමයක් සකසා තිබේ.
(අපේ සමහර මිනිස්සු කලු ඉංගිරියවෙන් හදුන ගන්න තියා මූණ බැලු වහමත් අහක බලන් යනවනෙ.. :-ගෑණු ළමයි එහෙම..?)
........
මුහුණ හදුනා ගැනීම මගින් පුද්ගලයා හදුනා ගැනීම (Facial scanning).......
මෙහිදී පුද්ගලයෙකුගේ මුහුනක් හෝ ඡායා රූපයක් පරිලෝකනය මගින් මුහුනෙහි ඇති ව්ශේෂ ලක්ශණ ඩිජිටල් මාදිලියෙන් එක් රැස් කර පසුව ඒවා මුහුනේ ජායා (faceprint) දත්ත ගබඩාවක තැන්පත් කර ගැනීම සිදුකරන අතර එමගින් මුහුනු හදුනා ගැනීම සිදුකෙරේ.
මෙහිදී මුහුණේ ජිවමිතික ගුණ කිහිපයක් සලකා බැලේ.මෙම ලක්ශණ කාලාණු රූපීයව වෙනස් නොවන බව සොයාගෙන ඇත.
1. ඇස් දෙක අතර දුර.
2. නාසයේ දිග පළල අතර තිබෙන අනුපාතය.
3. ඇස් කෙවෙනියේ ගැඹුර හා ඇසේ ආනතිය.
4. කම්මුල් ඇටයේ ස්වභාවය.
උදාහරණ:- 2008 ඔලිම්පික් උළලේ දී භාවිතා කර ඇත.
(මමත් ගෑණු ලමයෙක් හදුනා ගන්න බැලුවා......:- හරිගියෙ නෑනෙ...)
